Piajenin inkişaf mərhələləri

Sensomotor (0–2 yaş): uşaq dünyanı hiss və hərəkətlə tanıyır; obyektin daimiliyi — görünməyən əşyanın da mövcud olduğunu anlamaq — bu mərhələdə formalaşır.

Əməliyyatdan əvvəlki / preoperasional (2–7 yaş): simvolik düşüncə və nitq sürətlə inkişaf edir, lakin eqosentrizm güclüdür.

Konkret əməliyyatlar (7–11 yaş): məntiqi düşüncə konkret əşyalar üzərində qurulur; saxlanma (konservasiya) anlayışı mənimsənilir.

Formal əməliyyatlar (11 yaşdan): abstrakt, hipotetik və deduktiv düşüncə mümkün olur.

Lev Vıqotski öyrənmənin sosial mühitdə baş verdiyini vurğulayır. Onun “yaxın inkişaf zonası” anlayışı uşağın tək edə bildiyi ilə böyüyün köməyi ilə edə bildiyi arasındakı məsafədir.